Robbery in Ahmad Super Store, Sham Nagar Lahore | CCTV | Pakistan

شہر لاہور میں دن دیہاڑے وارداتوں کا سلسلہ بدستور جاری ہے ۔۔۔ لٹن روڈ کے علاقہ میں ڈاکو سپر سٹور لوٹ کر چلتے بنے ۔۔۔ واردات کی سی سی ٹی وی منظر عام پر آ گئی ۔۔۔ واردات 16 جنوری کی صبح ساڑھے 10 بجے کے قریب احمد سپر سٹور شام نگر میں ہوئی ۔۔۔ سی سی ٹی وی میں دو مسلح ڈاکو سٹور میں داخل ہوتے نظر آتے ہیں، جو گن پوائنٹ پر دکاندار اور گاہکوں کو یرغمال بنا کر لوٹ مار شروع کر دیتے ہیں ۔۔۔ ایک ڈاکو پتلون شرٹ جبکہ دوسرا شلوار قمیض میں ملبوس ہوتا ہے ۔۔۔ ملزمان اسلحہ دکھا کر سٹور میں موجود افراد کو ہراساں بھی کرتے ہیں ۔۔۔ ملزمان چند منٹ کے دوران نقدی اور موبائل فون لوٹ کر موٹر سائیکل پر فرار ہو گئے ۔۔۔ دوسری جانب لٹن روڈ پولیس نے سٹور مالک مقصود الرحمن کی درخواست پر مقدمہ درج کر لیا ۔۔۔ پولیس کا کہنا ہے کہ سی سی ٹی وی اور جائے وقوعہ سے ملنے والے دیگر شواہد کی مدد سے ملزموں کی تلاش کی جا رہی ہے ۔۔۔