EG هيرمس ولا مباشر ؟ مين أفضل شركات سمسرة في البورصة المصرية ؟
أهلا بيكو في حلقة جديدية من قناة بيزنس و بورصة
في الحلقة اللي فاتت اتكلمنا عن عيوب شركة ثاندر و علمنا مقارنة بين ثاندر و بين شركات سمسرة تانية زي أسطول و ميراج و تايكون. النهاردة هنكمل المقارنة بس مع شركتين كبار في سوق السمسرة و هما هيرمس و مباشر
خليكوا معانا
شركة هيرمس و شركة مباشر من اكبر الشركات في مجال سمسرة الأورق المالية في مصر, زي ما احنا شايفين طبقا لاحصائية مقدمة من البورصة المصرية نفسها عن الفترة ما بين واحد يناير و 29 فبراير هنلاقي ان شركة هيرمس واخدة رقم واحد بحصة 12.4 % من السوق بقيمة تداولات وصلت 59 مليار جنيه اما شركة مباشر في المركز الرابع واخدة 5.5 % بقيمة تداولات 26 مليار جنيه.
طيب أول حاجة نقارن بينهم من حيث الخدمات الاستثمارية اللي بيقدموها, و زي ما قولنا قبل كده دي بتكون تراخيص واخداها شركة السمسرة من الهيئة العامة للرقابة المالية
أول نشاط هو التداول في نفس الجلسة و ده موجود عند الشركتين
تاني نشاط هو شراء و تنفيذ و اكتتاب وثائق صناديق الاستثمار المفتوحة و ده متاح عند الشركتين , و ده اللي بيمكن شركة السمسرة انها تشتري لعملائها في صناديق الاستثمار
ثالث نشاط معانا هو اقتراض الأوراق المالية بغرض البيع أو الشورت سيلنج و هو خاصية بتخليك تكسب من الأسهم و هي نازلة و ده متاح عند الشركتين
رابع نشاط معانا هو التعامل على شهادات الإيداع و ده كمان متاح عند الشركتين
خامس نشاط هو التعامل في السندات, و ده بيخص الناس اللي بيحبوا يعملوا توازن في محفظتهم الاستثمارية بين أداة مالية عائدها ثابت زي السندات و بين أداة تانية عائدها متغير زي الأسهم , و النشاط ده موجود عند مباشر بس مش موجود عند هيرمس
سادس نشاط هو التعامل في أسواق مالية خارج مصر, و ده كمان موجود عند الشركتين, و تأكيد لكلامي من الحلقة اللي فاتت ان الشركات المصرية لما تيجي تشتريلك اسهم من الأسواق الخارجية بتاخد عمولة عالية جدا بتوصل ل12 دولار في كل عملية بيع أو شراء, و احنا في قناة بيزنس و بورصة بنجهز حلقة عن طريقة ارخص بكتير للتداول في السوق الأمريكي, اشتركوا معانا في القناة عشان يوصلكوا الفيديو أول ما ينزل
سابع نشاط معانا هو خدمة المارجن أو الهامش و دي خدمة بتمكنك من تعظيم القوة الشرائية بتاعتك بفلوس بتاخدها من شركة السمسرة و بتدفع عليها قايدة معينة في الشهر, طبعا لازم احذر من المارجن انه وسيلة استثمار عالية المخاطر لان زي ما المكسب بيزيد الخسارة كمان بتزيد, في المقارنة بتاعتنا الشركتين هيرمس و مباشر بيقدموا خدمة المارجن بنسبة تصل الى 100% من قيمة محفظتك و الفايدة اللي بياخدوها شهريا هي 2.5% مع مباشر و 2.3% مع هيرمس
تاني مقارنة معانا هي العمولات اللي بياخدوها و اشتراك التطبيقات
هنتكلم اول حاجة عن الحد الأدنى لفتح الحساب , هنلاقي ان هيرمس مش بتشترط حد ادنى لفتح الحساب , يعني ممكن تقتح بالف جنيه أو أقل كمان , انما مباشر بتشترط مبلغ 20 الف جنيه لو بتداول بدون مدير حساب و 50 الف جنيه لو مع مدير حساب .
الحاجة التانية اللي هنتكلم عليها هي الحساب التجريبي , و دي خدمه مهمة جدا للمبتدئين في البورصة , انك اول ما تدخل متخاطرش براس مالك مرة واحدة, انما تدخل بحساب تجريبي تجرب عليه فترة من الوقت لحد ما تفهم الدنيا بتمشي ازاي في البورصة بعد كده تدخل براس مال حقيقي . و الحساب التجريبي موجود عند الشركتين اللي معانا.
تالت حاجة في المقارنة بتاعتنا هي عمولة التداول الاليكتروني بدون مدير حساب و بنلاقي هنا ميزة عند شركة مباشر عن هيرمس و هي ان العمولة بتاعتها 2 في الاف على كل عملية بيع او شراء انما هيرمس 5 في الألف.
رابع حاجة عمولة التداول مع مدير حساب, هنلاقي ان هيرمس بتاخد نفس العمولة لو معاك مدير حساب اللي هي 5 في الألف, بس في هيرمس لازم يكون معاك محفظة كبيرة و كمان الفرع اللي انت مسجل فيه يكون فيه حد متاح عشان يكون مدير حسابك, يعني مش أي حد في هيرمس بيكون معاه مدير حساب, شركة مباشر بتاخد عمولة 2.25 في الألف لو بتداول مع مدير حساب, بس برده نفس المشكلة اللي في هيرمس ان مدير الحساب برده مش بياخد حسابك الا لو معاك محفظة كبيرة,
عايز اوضح نقطة هنا و هي ان الشركات الكبيرة زي هيرمس و مباشر دايما بيهتموا بالعملاء الكبار, بيخصصوا مدير حساب ليهم و بيهتموا بيهم و ده طبيعي انهم بيدوروا على العميل اللي هيدخلهم عمولولات عالية كل شهر. فانت لو متداول محفظتك اقل من 50 الف او حتى من 50 ل 100 الف, متدورش على ميزة مدير الحساب في الشركات دي.
خامس حاجة في المقارنة بتاعتنا هي الاشتراك الشهري المدفوع اللي بيديك شاشة أسعار لحظية, هنلاقي في هيرمس الاشتراك 75 جنيه بس شهريا بيديك شاشة لحظية على الويب و الموبايل ابليكشن و الديسكتوب ابليكيشن, في مباشر هنلاقي المبلغ ده 150 جنيه شهريا
خلي بالك برده ان معظم الشركات مش بتاخد المبلغ الشهري المذكور لو انت نفذت عمليات بيع و شراء عمولتها اكتر من المبلغ ده, و بالتالي لو انت متداول نشط بتشتري كل يوم مش هيفرق معاك الرقم لانك كده كده هتحققه عمولات و مش هتدفعه شهريا.
سادس حاجة تطبيق على اللاب بتاعك, هنلاقي الشركتين عندهم برامج حلوين جدا, مباشر برو 11 و منصة هيرمس, و كمان ممكن تتداول من الويب سايت بتاع الشركتين.
سابع حاجة هو ابليكش على الموبايل , كمان الشركتين عندهم ابليكشن كويسين جدا عن تجربة هنسيبلك في الوصف روابط للبرامج دي على يوتيوب عشان تقيم بنفسك.
ثالث و اخر مقارنة معانا هي من حيث التحليل الفني و الدعم
