تمن باقلاء باللحم/ اكله بغداديه تراثيه تقدم بالعزايم الطعم

تمن باقلاء باللحم/ اكله بغداديه تراثيه تقدم بالعزايم الطعم مينوصف من اللذاذه خصوصا اذا باللحم ???????? المكونات لحم ( او دجاج بكيفكم) اني استخدمت صفيحة ضلوع وقطعه من الفخذ باگلا خضرة (جبت المجمدة ) شبنت تمن بسمتي(رز) منقوع نص ساعه واستخدمت هنا رز امباير لان حبته طويله وشكله حلو بالعزايم فقط هاي المكونات الاربعه حسب طريقة اهلنا ممكن تحمسون بصل ويه الباگلا عادي اختياري وهاي اختلف عليها العلماء???? يبقه كلمن وهو شلون يحبها ماكو اي غلط بالطبخ طريقتي بالطبخ /اسلق اللحم والتمن اخلي ينسلق نص استواء (اخلي يفور ٤ دقايق فقط) وقبل لا اصفي اخلي الشبنت واصفي بسرعه لان بس اريده ينخلط ويه التمن ويبقه لونه اخضر الباكلا احب احمسها شويه طبعا كلشي املحة اللحم والتمن والباكلا حتى يكون كلشي جاهز وخليت عالتمن دهن حر من صفيته وقلبته شويه عالخفيف منريد التمن يتكسر استوة اللحم طبعا ماكثرتله مي حتة يتركز الطعم سويت طبقات اول شي اللحم الباكلا التمن وخليت كوب من مي اللحم عليهم حتى تستوي الباگلا والتمن يكمل طبخ وتمتزج كل النكهات سويه خليته بتهدر على نار خفيفه نص ياعه الى ساعه حسب نوعيه الباكلا اكو بسرعه تستوي واكو تحتاج اكثر وقت وبسسس هاي من الاكلات المفضله عندي حبيت اراويكم شلون اطبخها والف عافيه عاليجربها???????? . . . . . . #رز #تمن #تمن_باقلاء #اكلات #اكلات_لذيذه #اكلاتي #لحم #قوزي #اكسبلور_فولو #ريلز