Jui sindh mating in sukkur

سکھر، تاریخ 30 دسمبر 2022 پریس ریلیز..... سکھر میں جے یو آئی سندھ کے جنرل کونسل کا اہم اجلاس، سندھ کی زمینوں کی غیرقانونی فروخت، غیرقانونی جدید اسلحہ کی فروخت اور منشیات، آئس دیگر نشہ کی روکتھام پر زور، امن امان کی صورتحال بہتر بنانے کا مطالبہ، اگلے انتخابات کی تیاری کرنے، برسات متاثرین کی بحالی کیلئے گھروں کی تعمیر فوری کرنے کی اپیل، جے یو آئی سندھ کے سیکرٹری جنرل علامہ راشد محمود سومرو نے کہا ہے کہ عالمی استعمار اور اسلام دشمن قوتوں کا ایک ہی ایجنڈا ہے ملک کو توڑنا، عمران خان کی حکومت کو اگر ختم نہ کرتے تو آج پاکستان ڈیفالٹ ہوچکا ہوتا. جے یو آئی کے آزادی مارچ، مہنگائی مارچ سے پی ٹی آئی حکومت کا تختہ الٹ گیا. جے یو آئی انتخابات میں کامیابی حاصل کرکے سندھ کے عوام کی پارلیمانی نمائندگی کرے گی، سندھ میں امن امان قائم کرنے میں حکومت سندہ ناکام ہو چکی ہے عوام کی جان مال غیر محفوظ ہے. سندھ سرکار کو آنکھیں کھولنی ہونگی، سندھ کی زمینوں کی غیر قانونی خرید فروخت اور قبضہ سے روکا جائے، غیر قانونی اسلحہ کی آمد اور تجارت کو روکا جائے، منشیات، آئس و دیگر نشہ بند کرایا جائے. جے یو آئی کے رہنما و سینیٹر مولانا عطاء الرحمن نے کہا کہ پاکستان کا مستقبل روشن ہے، ملک اب محفوظ ہاتھوں میں ہے. پی ڈی ایم حکومت بہتری کیلئے کام کر رہی ہے، سکھر حیدر آباد ایم سکس موٹروے منصوبہ جے یو آئی کا سندہ کے عوام کیلئے تحفہ ہے، مولانا فیض محمد کا کہنا تھا کہ جے یو آئی آئندہ انتخابات میں بھرپور حصہ لے گی اور کامیابی حاصل کرے گی، جمعیت علمائے اسلام نے سامراجی قوتوں کے ایجنٹوں کو دھکے دیکر باہر نکال دیا. ملک میں اب نظام مصطفی ہی نافذ ہوکر رہے گا؛ تفصیلات کے مطابق، جمعیت علمائے اسلام سندھ کی جنرل کونسل کا اجلاس سائیں سراج احمد امروٹی کی صدارت میں جامعہ منزل گاہ سکھر میں منعقد ہوا. اجلاس میں جے یو آئی کے رہنما اور سینیٹر مولانا عطاء الرحمن، مولانا فیض محمد، جے یو آئی سندھ کے سیکرٹری جنرل علامہ راشد محمود سومرو، مولانا ناصر محمود سومرو، محمد اسلم غوری، سائیں عبدالقیوم ہالیجوی، مولانا عبدالکریم عابد، مفتی سعود افضل ہالیجوی، سید سراج احمد امروٹی، سائیں عبداللہ پھوڑ، سمیع سواتی غیاث الدین امین اللہ تاج محمد ناھیون سمیت 29 اضلاع کے ذمہ داران نے شرکت کی، اس موقع پر جے یو آئی سندھ کے سیکرٹری جنرل علامہ راشد محمود سومرو نے جنرل کونسل کے اجلاس سے اپنے خطاب میں کہا کہ عالمی استعمار اور اسلام دشمن قوتیں پاکستان کے ازلی دشمن ہیں، ان کا ایجنڈا ایک ہی ہے ملک کو توڑنا، عمران خان کی حکومت کو اگر ختم نہ کرتے تو آج پاکستان ڈیفالٹ ہوچکا ہوتا آج ملک مین مہنگائی کا سبب عمران خان کی غلط پالیسیان اور غلط معاھدون کے سبب ہے . جے یو آئی کے آزادی مارچ، مہنگائی مارچ سے پی ٹی آئی حکومت کا تختہ الٹ گیا. لاکھوں جے یو آئی کارکنان کی دعائیں، جدوجہد رنگ لے آئیں. جے یو آئی آئندہ انتخابات میں کامیابی حاصل کرکے سندھ کے عوام کیلئے پارلیمنٹ میں نمائندگی کرے گی، انہوں نے کہا کہ عمران خان کا مستقبل سیاہ ہے. اقتدار تو دور کی بات ہے اس کی سیاست کا جنازہ ہم نے پڑھ لیا ہے. مولانا راشد محمود سومرو نے کہا کہ انشاء اللہ پاکستان ڈیفالٹ نہی ہوگا، امریکا اور عمران خان کی خواہش ہے کہ پاکستان معاشی طور پر مضبوط نہ ہو، عمران خان نے امریکا بھارت اور اسرائیل کو خوش رکھنے کیلئے ملک کو معاشی طور پر تباہ کردیا تھا. ہم نے عمران خان کو اقتدار سے الگ کر کے اس کی سیاست زمین بوس کردی ہے. انشاءاللہ مستقبل جمعیت علمائے اسلام کا ہے، آئندہ انتخابات میں جے یو آئی کامیاب ہوگی. مولانا راشد محمود سومرو نے سندھ میں امن امان کی صورتحال پر تبادلہ خیال کرتے ہوئے کہا کہ سندھ حکومت امن امان قائم کرنے میں ناکام ہو چکی ہے، اغوا برائے تاوان، قتل و غارت، چوری، لاقانونیت عروج پر ہے، جبکہ پولیس بھی ڈاکوؤں کے رحم و کرم پر ہے. سندھ سرکار کو آنکھیں کھولنی ہوں گی. سندھ کی زمنین پر قبضے کرکے فروخت کی جا رہی ہیں. منشیات، آئس نشہ، کوکین، گٹکہ، غیرقانونی جدید اسلحہ کی خرید و فروخت روکدی جائے. انہوں نے کہا کہ برسات متاثرین کی بحالی کیلئے اقدامات کئے جائیں، لوگوں کو گھر کی چھت فراہم کی جائے، لوگ سخت سردی میں مر رہے ہیں، انہوں نے کہا کہ ہم نے اپنی مدد آپ کے تحت سیلاب اور برسات متاثرین میں کروڑوں روپے کی امداد، نقد رقم اور راشن فراہم کیا، وزیراعظم سے اپیل ہے کہ وہ گھروں کی تعمیر پر فوری عملدرآمد شروع کرائیں. اس موقع پر جنرل کونسل کے اجلاس سے سید سراج احمد شاہ امروٹی، سائين عبدالقیوم ہالیجوی، محمد اسلم غوری، مفتی سعود افضل ہالیجوی، محمد صالح انڈھڑ محمد فاروق قریشی، مولانا محمد ادریس سومرو، مولانا اعجاز مصطفی، مولانا غلام محمد سومرو، مفتی عبدالرحیم پٹھان، سائیں عبدالمجیب قریشی بیرشریف، مولانا میرحسن بروہی ، مفتی محمد طاہر ہالیجوی ، مولانا محمد رمضان پھلپوٹو. مولانا عبدالکریم عابد ، قاری محمد عثمان، ڈاکٹرنصیر الدین سواتی، مولانا محمد غیاث، مولانا سمیع الحق سواتی، حاجی امین اللہ اچکزئی ، شرف الدین اندھڑ، تمام اضلاع کے امراء مولانا نورالحق، مولانا فتح اللہ، مولانا احسان اللہ ٹکروی، مولانا عبدالرشید نعمانی، مفتی محمد خالد، اکبر شاہ ہاشمی ، قاری فیض الرحمن عابد ، انجینئر محمدسلیم ، مولانا اجمل شیرازی ، قاری نورالامین ، مولانا زرین شاہ ، فاروق سید حسن زئی ودیگر نے بھی خطاب کیا و دیگر نے خطاب کیا.