آہ!انسان یہ ہے تیری اوقات۔۔۔!

آہ!انسان یہ ہے تیری اوقات۔۔۔! ایک سفر کیلئیے لاہور لاری اڈے پر پہنچا۔ جیسے ہی اپنی سواری سے اترا تو دیکھا کہ ریسکیو کی چادر میں لپٹی ایک نعش فٹ پاتھ پر پڑی ہے۔لوگ اس کے قریب سے گزر رہے ہیں اور سب اپنے معمول کے مطابق اپنے اپنے کاموں میں مشغول ہیں کسی کو کوئ پرواہ نہیں اور نا ہی اپنی موت کا تصور۔(اللہ اکبر) قارئین کرام اس شخص کی موت ہمیں یہ پیغام دے رہی ہے کہ ہمارے چلے جانے سے دنیا والوں کو کوئ فرق نہیں پڑتا سب اپنے اپنے کاموں میں مشغول ہو جاتے ہیں حتی کہ ماں،باپ،بہن،بھائ اور دیگر عزیز و اقارب بھی ایک وقت تک صدمہ برداشت کرنے کے بعد تن تنہا صبر کرنے کے عادی ہو ہی جاتے ہیں لیکن آگے ہم نے صرف اکیلے ہی جانا ہوتا اور اپنے کئیے کا حساب چکتانا ہوتا۔ وہاں کچھ لمحے رکا اور تصور کی دنیا میں جا کر اپنی موت کے منظر کو بھی سوچا کہ دل پسیج سا گیا اور دل ہی دل میں کچھ الفاظ کہے کہ: اے انسان!یہ ہے تیری اصل اوقات۔۔۔۔اتنی سی اوقات پر غرور کس بات کا۔۔۔؟ *اللھم آنا نسئلک حسن الخاتمۃ*