القرآن

حصول علم کا شوق ایک شخص حضرت عمر رضی اللہ عنہ کے دور خلافت میں ملک شام سے مدینہ طیبہ حاضر ہوا،ستر یا اسی سال ان کی عمر تھی۔حضرت عمر رضی اللہ عنہ نے دیکھا،دھوپ میں سفر کرنے کی وجہ سے بالکل سیاہ فام ہو گئے ہیں،زمین کی رنگت ان کی رنگت سے زیادہ صاف ہے،بال بڑھے ہوئے ہیں۔حضرت عمر رضی اللہ عنہ نے پوچھا کہ کیسے تشریف لائے؟اس ضعف اور بڑھاپے میں آپ نے اتنا طویل سفر کیوں کیاَ؟ بڑے میاں نے کہا "التحیات " سیکھنے کے لیے آیا ہوں۔اتنی بات سن کر حضرت عمر رضی اللہ عنہ ایسے روئے کہ صاحب حدائق کے الفاظ میں:"اتنا روئے کہ داڑھی مبارک تر ہو گئی اور ٹپ ٹپ آنسو گرنے لگے،دیر تک روتے رہے اور پھر قسم کھا کر فرمایا:قسم ہے اس ذات عالی کی جس کے قبضہ میں میری جان ہےت تمہیں عذاب نہیں دیا جائے گا کیوں؟دین کی ایک بات سننے اور سیکھنے کے لیے انہوں نے اپنے گھر جو چھوڑا اور اونٹ کی پیٹھ کے اوپر انہوں نے وقت گزارا۔