Trader looted by robbers in Nawan Kot Lahore | Pakistan | CCTV

شہر لاہور میں ڈکیتی و راہزنی کی وارداتوں کا سلسلہ تھم نہ سکا ۔۔۔ نواں کوٹ کے علاقہ میں شاہ عالم مارکیٹ کا تاجر ڈاکوؤں کے ہتھے چڑھ گیا ۔۔۔ موٹر سائیکل سوار 2 ڈاکو اسلحہ کی نوک پردو لاکھ روپے لے اڑے ۔۔۔ واردات کی سی سی ٹی وی منظر عام پر آ گئی ۔۔۔ سی سی ٹی وی میں کوٹ محمدی کا رہائشی متاثرہ تاجر اپنے گھر کے باہر کھڑا نظر آتا ہے ۔۔۔ اسی دوران موٹر سائیکل سوار دو ڈاکو تاجر کو یرغمال بنا کر لوٹ مار کرتے ہیں ۔۔۔ پتلون شرٹ میں ملبوس ایک ملزم موٹر سائیکل پر بیٹھ کر اطراف کی نگرانی کرتا رہا ۔۔۔ دوسرے ملزم کو تاجر کی جیبوں سے پیسے نکالتے دیکھا جا سکتا ہے ۔۔۔ دو منٹ کی واردات کے بعد ملزمان موقع سے فرار ہوتے دکھائی دیتے ہیں ۔۔۔ دوسری جانب نواں کوٹ پولیس نے متاثرہ تاجر کی درخواست پر مقدمہ درج کر لیا ۔۔۔ پولیس کا کہنا ہے کہ سی سی ٹی وی اور دیگر شواہد کی مدد سے ملزموں کی تلاش کی جا رہی ہے ۔۔۔