سیاسی اکٹھ

رپورٹ(ادریس احمد گنجہ)حاجی ولائیت خاں گنجہ کی جانب سے ممبر صوبائی اسمبلی سید مدد علی شاہ کی حمایت میں ایک شاندار اکٹھ کا انعقاد موضع گنجہ میں کیا گیا، جس میں گنجہ کی ممتاز شخصیات سمیت بنی، باشنہ، مغلیانوالی، ڈلہ رجادی اور دیگر قریبی مواضعات سے معزز مہمانوں نے بھرپور شرکت کی ،سید مدد علی شاہ کی آمد پر ان کا پرتپاک استقبال کیا گیا۔ ایک بڑی موٹرسائیکل ریلی کے ذریعے انہیں پنڈال تک لایا گیا، جس دوران مختلف مقامات پر شاندار آتش بازی کا مظاہرہ بھی کیا گیا،اس موقع پر سید مرتضیٰ شاہ، سید قلب عباس شاہ، مہر غفار احمد، چوہدری محمد ادریس (خونی چک)، چوہدری شاہد رضا (باشنہ)، چوہدری شہباز (مغلیانوالی) کا بھی والہانہ استقبال کیا گیا۔ میزبانوں میں حاجی ولائیت خان، وقاص اقبال مغل (اناؤنسر)، عبدالغنی سندھو، علی رضا سندھو، ٹھیکیدار محمد حفیظ، محمد انور مغل اور دیگر نمایاں شخصیات شامل تھیں۔ تقریب سے خطاب کرتے ہوئے ممبر صوبائی اسمبلی سید مدد علی شاہ نے کہا:"مغل و مرزا فیملی گنجہ کی جانب سے ملنے والا پیار و احترام ہمیشہ یاد رہے گا۔ سادات خاندان کی سیاست کا محور ہمیشہ خدمت رہا ہے۔ ہم نے جو وعدے عوام سے کیے، انہیں نبھانے کے لیے ہر پلیٹ فارم پر آواز بلند کی اور اپنی صلاحیتیں بروئے کار لا رہے ہیں۔حاجی ولائیت خاں نے شرکاء کا شکریہ ادا کرتے ہوئے کہا:"ہم دل کی گہرائیوں سے تمام اہل دیہہ اور دیگر مواضعات سے آنے والے احباب کے شکر گزار ہیں۔ سادات خاندان سے ہمارا تعلق عقیدت اور محبت پر مبنی ہے، جس کی پاسداری ہم ہمیشہ کرتے رہیں گے۔تقریب سے چوہدری محمد ادریس، عبدالغنی سندھو، وقاص اقبال مغل اور دیگر معززین نے بھی خطاب کیا اور سید مدد علی شاہ کی قیادت پر اعتماد کا اظہار کرتے ہوئے ان کی سیاسی خدمات کو سراہا۔