Quran ko hum ne chor dia
موبائل چھوڑ کر قرآں اُٹھا لیتے تو اچھا تھا
لبوں پہ ذکر کے موتی سجا لیتے تو اچھا تھا
تعلق جس سے رکھا ہے برائے آخرت اُس سے
تعلق توڑ کر رب کو منا لیتے تو اچھا تھا
نبی کو مانتے ہو تو نبی کی ماننی ہوگی
اِسی احساس کو دل میں بسا لیتے تو اچھا تھا
جہاں ممنوع اُسی جانب نگاہوں کا یہ اُٹھ جانا
ارے ناداں! نگاہوں کو جھکا لیتے تو اچھا تھا
سکوں کو بے سکونی میں بدل دے ایسی خواہش کو
خدا کے خوف سے دل میں دبا لیتے تو اچھا تھا
مریضِ غیر محرم ہو ہوس کو پیار کہتے ہو
کسی اللّٰه والے سے دوا لیتے تو اچھا تھا
