Salman khan Pakistani Salman khan same to same copy of Salman khan

Salman khan Pakistani Salman khan same to same copy of Salman khan #salmankhan #salubhai #copyhttps://www.febspot.com/ref/232812https://www.febspot.com/gojriculturetv/ref/232812Jummu Aur Kashmir humara||Watan hamara Azad Kashmir|| Funny Kashmiri Tarana #chakothi #funnyvideos tiktok.com/@m_Ahsan_siddeeqi96https://youtube.com/@Gojri_Culture_TV96tiktok.com/@m.ehsangujjar96Can someone tell me what it isIss dunya Maan kero Jana qeemat Apat Gojri Bait||Gojri song Gojri Geet #Ayaz_Saif #gojri_geet #gojri” دِلیاں “ جس دور میں ہمارے پہاڑی علاقوں میں بجلی نہیں تھی تو اُس وقت اندھیرے میں روشنی کرنے کے لئے لوگ بیاڑ ، چیڑ یا دیار کی لکڑیاں جلایا کرتے تھے جنہیں ” دِلیاں “ کہا جاتا ہے ” دِلی “ بیروزے سے بھری ، تیزی سے جلنے والی لکڑی ہوتی ہے جو بیاڑ ، چیڑ یا دیار کے درخت سے حاصل کی جاتی ہے ۔ ہمارے لڑکپن تک ” دِلی “ جلا کر اُس سے روشنی حاصل کرنا عام تھا ۔ طالب علم رات کو ” دِلی “ کی روشنی میں سکول کا کام کیا کرتے تھے ۔ لوگ ” دِلی “ کی روشنی میں کھانا پکاتے اور کھاتے تھے ۔ سردیوں کی طویل راتوں میں خواتین ” دِلی “ کی روشنی میں ہی چرخہ کاتا کرتی تھیں ۔ الغرض رات کو کوئی بھی کام کرنے کے لئے زیادہ تر ” دِلی “ جلا کر ہی روشنی حاصل کی جاتی تھی ۔ اندھیرے میں کہیں آنے جانے کے دوران ” دِلی “ کو بطورِ ٹارچ بھی استعمال کیا جاتا تھا ۔ بہت سی ” دِلیوں “ کو باہم ملا کر جلایا جاتا اور اُنہیں ہاتھ میں پکڑ لیا جاتا تھا ۔ ” دِلیوں “ کے یُوں باہم باندھ کر جلانے کو ” مُونگرا جلانا “ کہا جاتا تھا ۔ دیار کی ” دِلیوں “ کو مٹی کے برتن میں ( بغیر پانی کے ) خٌوب پکا کر ایک تیل بھی نکالا جاتا ہے جسے ” لوہ “ کہا جاتا ہے ۔ ” لوہ “ بھیڑ بکریوں کے مختلف امراض کے علاج کے لئے استعمال کی جاتی ہے !!!! جب ہمارے گاٶں میں بجلی آنے لگی تو گاٶں کے لوگ بجلی کے کھمبوں اور ٹرانسفارمروں کو لٹھوں سے باندھ کر کندھوں پر لاد کر لاتے ۔ اُن کے سُوجے ہوئے کندھوں اور سُرخ اکڑی ہوئی گردنوں پر کئی کئی دن تک مالش کی جاتی تو ہمیں وحشت سی ہونے لگتی کہ یہ بجلی بھی پتہ نہیں کیا آفت ہو گی جِسے لانے کے لئے لوگ اتنے درد سہہ رہے ہیں ؟ جب بجلی آہستہ آہستہ ہمارے گھروں تک پہنچی تو ہم اِس سے آشنا ہوئے اور ہم نے اللہ کا شُکر ادا کیا کہ اب ” دِلیوں “ کے جھنجھٹ اور مٹی کے تیل والے بدبُودار دئیے سے جان چھُوٹ جائے گی ۔ چند سالوں میں دیکھتے ہی دیکھتے بِجلی ہمارے گاٶں کی آخر تک جا پہنچی اور اِس کے ساتھ ساتھ شمسی توانائی پہ چلنے والے برقی آلات بھی آ گئے تو لوگوں نے جہاں ” دِلیوں “ کا استعمال ترک کر دیا وہیں مٹی کے تیل والے دئیے کو بھی کالعدم قرار دے دیا گیا ۔ اب ہمارے علاقوں میں ایک طرف بجلی کے طویل تعطل کا سلسلہ شُروع ہو چُکا ہے تو دُوسری طرف موسم کی خرابی کے باعث شمسی توانائی پہ چلنے والے برقی آلات بھی ٹھپ ہو کر رہ گئے ہیں ۔ ایسے حالات میں گاٶں کے لوگ دوبارہ ” دِلیاں “ جلانے پہ مجبُور ہو رہے ہیں اور مٹی کے تیل والے ” کالعدم شُدہ “ دئیے بھی دوبارہ نمُودار ہو رہے ہیں ۔ آزادکشمیر کے محکمہءبرقیات سے دست بستہ گزارش ہے کہ بجلی کی بلا تعطل فراہمی کو یقینی بنائیں یا بجلی کے کھمبوں اور تاروں کو واپس لے جائیں ۔ اللہ تعالی مسبب الاسباب ہے ۔ وہ پرندوں کے بیٹھنے کے لئے کوئی اور بندوبست فرما دے گا انشااللہ