وہ شخص مجھے پیارا ھے اسے کہنا۔۔بس وھی جینے کا سہارا

خطہ پوٹھوھار کو یہ اعزاز حاصل ھے کہ اس خطہ نے بہت سے نامور شعراء پیدا کئے،گننا شروع کریں تو ایک طویل فہرست سامنے آجاتی ھے،ان شعراء نے اپنی بساط کے مطابق اردو ادب کیلئے بہت کام کیا،انہی شعراء میں سے ایک بہت خوب صورت نام " اشتیاق احمد ستی " کا بھی ھے۔اشتیاق احمد ستی کا آبائی علاقہ آزاد پتن ہے اور کہوٹہ گرڈ سٹیشن میں عرصہ دراز سے مقیم ہیں۔ چندسال بیشترانہوں نے اپنا شعری مجموعہ"آدھا پاگل"لکھا،جو کم و بیش بیس سال میں مکمل ھوا، احمدستی نے اپنی شاعری کی باقاعدہ ابتدا ساتویں کلاس سے شروع کی۔پیشے کے اعتبار سے استاد ھیں۔اگر یہ کہا جائے کہ اشتیاق احمدستی دلوں اور جزبات کا شاعر ھے تو غلط نہ ھوگا۔وہ جو کہتا ھے ھر سننے والا یہی سمجھتا ھے کہ احمد ستی میرے دل کی بات کر رھا ھے۔