شرعی مسئلہ!!!!خوبصورتی کے لیے چہرے کی سر جری کروانا کیسا ؟

چہرہ کی پلاسٹک سرجری خوبصورتی کے لئے کروانا ، جائز نہیں کہ تغییر خلق اللہ ہے ، جو مثلہ ہے اور مثلہ ناجائز ہے ۔ بخاری شریف میں ہے :’’عن عبد اللہ بن یزید عن النبی صلی اللہ علیہ وسلم:أنہ نھی عن النھبۃ والمثلۃ‘‘ ترجمہ : روایت ہے عبداللہ بن یزید سے وہ نبی کریم صلی اللہ تعالیٰ علیہ وآلہ وسلم سے راوی کہ حضور انور صلی اللہ تعالیٰ علیہ وآلہ وسلم نے لوٹ مار کرنے اور ناک کان کاٹنے سے منع فرمایا۔( صحیح البخاری ، جلد 7 ، صفحہ 94 ، مطبوعہ دار طوق النجاۃ ) ہاں کسی حادثہ وغیرہ کی صورت میں یا جل جانے کی وجہ سے چہرے کی ہیئت بگڑ گئی ہو ، تو جمال مقصود کے تحفظ کے لیے سرجری کروانے کی اجازت ہے۔