وہاڑی: بس ہوسٹس کوچلتی بس میں گارڈ نے مبینہ زیادتی کا نشانہ بنا ڈالا

وہاڑی: بس ہوسٹس کو بس میں گارڈ نے مبینہ زیادتی کا نشانہ بنا ڈالا،متاثرہ ڈی ایچ کیو ہسپتال منتقل، میڈیکل کے بعد مقدمہ درج کر لیا گیا، ملزم گرفتار ،تفصیلات کے مطابق تھانہ دانیوال کی حدود میں نجی بس کمپنی کے گارڈ نے مبینہ طور پر رحیم یار خان سے تعلق رکھنے والی بس ہوسٹس 18 سالہ (ل) کو چلتی بس میں زیادتی کا نشانہ بنا ڈالا، متاثرہ کے بیان کے مطابق بس کے تمام مسافر میلسی میں اتر گئے تھے بس جب وہاڑی کی حدود میں پہنچی تو گارڈ شیراز نے اسے پچھلی سیٹوں پر بلایا اور زبردستی منہ پر ہاتھ رکھ کر آواز بند کر کے زیادتی کا نشانہ بنا ڈالا جبکہ ڈرائیور اس دوران بس چلاتا رہا، لڑکی نے وہاڑی لاری اڈا پہنچنے پر 15 پر کال کی تو پولیس نے موقع پر پہنچ کر لڑکی کو ڈسٹرکٹ ہیڈ کوارٹر ہسپتال وہاڑی منتقل کر دیا گیا اطلاع ملنے پر قائم مقام ایس پی انویسٹی گیشن خالد محمود اور ایس ایچ او تھانہ دانیوال ناصر محمود موقع پر پہنچ گئے اور لڑکی کا میڈیکل کروا کر مقدمہ درج کر لیا جبکہ ملزم کو بھی گرفتار کر لیا گیا بس ہوسٹس سے زیادتی کی اطلاع پر شہر کی خواتین کی بڑی تعداد بھی اظہار ھمدردی کے لیے ہسپتال کے باہر پہنچ گئیں جنہوں نے ملزم کو عبرتناک سزا دینے کا مطالبہ کیا جبکہ پولیس نے بس کو بھی قبضہ میں لیکر مزید کاروائی شروع کر دی قائم مقام ایس پی انویسٹی گیشن خالد جاوید نے کہا کہ ایسے ملزمان کسی معافی کے لائق نہیں قانون کے مطابق سخت سے سخت سزا دلوائی جائے گی.