یوم یکجہتی کشمیر کی تقریب سے معاون خصوصی امتیاز شاھین خطاب کر رھے ھیںn

کہوٹہ(ساجدجنجوعہ) مقبوضہ کشمیر میں بھارتی مظالم اور قبضے کے خلاف کہوٹہ سمیت دنیا بھر میں آج یوم یکجہتی کشمیر منایا جارہا ہے۔یوم یکجہتی کشمیر منانے کا مقصد آزادی کی جدوجہد میں جہاں کشمیری عوام کے ساتھ یکجہتی کا اظہار کرنا ہے وہاں دوسری طرف عالمی برادری کی توجہ مقبوضہ کشمیرمیں ہونے والے مظالم کی طرف دلانا ہے۔اس موقع پر ہرسال کی طرح کشمیری شہدا کو خراج عقیدت پیش کرنے کے لئے ایک منٹ کی خاموشی اختیار کی گئی جبکہ آزاد پتن پل پر انسانی ہاتھوں کی زنجیر بھی بنائی گئی،اس موقع پر معاون خصوصی وزیراعظم آزادکشمیرامتیاز شاہین،ڈپٹی کمشنر سدھنوتی عمر اعظم اور دیگر مقررین نے خطاب کرتے ہوئے کہا کہ کشمیریوں کی آزادی کی تحریک کو ظلم وجبر سے دبایا نہیں جاسکتا۔