SEMINAR 5TH FEBURARY KASHMIR DAY IN GOVT. GRADUATE COLLEGE FOR WOMEN JHELUM

گورنمنٹ گریجوایٹ کالج برائے خواتین جہلم،میں5 فروری یوم یکجہتی کشمیرکے حوالے سے ریلیاں نکالیں ،جبکہ خصوصی تقریب کا انعقاد کیا گیا۔ان تقریب میں کشمیری بہن بھائیوں سے اظہار یکجہتی کے لیے تقریر ی مقابلے بھی منعقد کئے گے۔ ریلی کے شرکاءنے ہاتھوں میں بینرزا ور کتبے اٹھائے رکھے تھے ، ریلی کے شرکا ءبھارت کے کی جانب سے کشمیر ی عوام پر ظلم و بربریت ڈھانے پر شدید نعرے بازی کرتے ہوئے مظلوم کشمیری بہن بھائیوں سے اظہار یکجہتی کیا۔ گورنمنٹ گریجوایٹ کالج برائے خواتین جہلم کے ہال میں طالبات و اساتذہ اکرام نے اپنے اپنے جذبات کا اظہارکرتے ہوئے کشمیر مسئلے کی اہمیت کے بارے پنڈال میں موجود سینکڑوں طالبات کو آگاہ کیا، مقررین نے حکومت سے مطالبہ کیا کہ مسئلہ کشمیر عالمی سطح پر بھرپور انداز میں اجاگر کیا جائے انہوں نے کہا کہ پوری دنیا کے سامنے بھارت کا اصل چہرہ بے نقاب ہو چکا ہے۔ بھارتی مظالم کی وجہ سے کشمیر کا مسئلہ پوری دنیا میں ایک نمایاں حیثیت اختیار کرتا جا رہا ہے اوراب اس کا حل اقوام متحدہ کے علاوہ کوئی نہیں نکال سکتا ، انہوں نے کہا اس مسئلے کے حل کے لئے مسلم امہ کو اہم کردار ادا کرنا ہوگا۔