تنخواہ نہ ملنے پر نوکری چھوڑنے والے غریب محنت کش پر زمیندار کاتشدد

کنجوانی کے علاقہ تھانہ ماموں کانجن میں تنخواہ نہ ملنے پر نوکری چھوڑنے والے غریب محنت کش کو زمیندار کے لاڈلے نے ساتھیوں کی مدد سے گھر سے اٹھا کر تشدد کا نشانہ بنانے کے بعد اسکا سر ابرو اور مونچھیں مونڈ دیں،واقعہ کی ویڈیو وائرل ہونے پر پولیس نے چار ملزموں کوگرفتار کر لیا ہے بتایا گیا ہے کہ تھانہ ماموں کانجن کے چک53/5ٹکڑا کا رہائشی محنت کش مقامی زمیندار سرفراز کاٹھیہ کے مال مویشی کی دیکھ بھال کرتا تھا جس نے گزشتہ روز تنخواہ نہ ملنے پر نوکری چھوڑ دی اور اپنے گھر چلا گیا جس کا حقنواز نے برا منایا اور گزشتہ شب دیگر 8دوستوں کے ہمراہ اسلحہ کے زور پر سرفراز کو اسکے گھر سے اٹھا لیا اور اپنے ڈیرے پر لیجا کر اسے تشددکا نشانہ بنانے کے بعد استرے سے اسکے سر مونچھوں اور ابروز کے بال مونڈ دئے اور ویڈیو بنا کر وائرل کر دی واقعہ کی اطلاع پر پولیس نے چار ملزموں کو گرفتار کر لیا ہے جبکہ دیگر کی تلاش جاری ہے۔۔