پیپلزپارٹی نے حلقہ این اے 57 میں انتخابی مہم کا آغاز کردیا

پاکستان پیپلز پارٹی کے نامزد امیدوار حلقہ این اے 57 شوکت علی عباسی نے کہا ہے کہ پیپلزپارٹی شہیدوں کی جماعت ہے،جس کی بنیاد شہیدجمہوریت ذوالفقار علی بھٹو نے رکھی اور اس کی آبیاری شہید محترمہ بے نظیر بھٹو نے اپنا خون دے کر کی۔16 مارچ بلاول بھٹو کی کامیابی کا دن ہوگا،وہ اسلام آباد میں اپنی انتخابی مہم کے آغاز کے حوالے سے منعقدہ تقریب سے خطاب کر رہے تھے۔تقریب سے صدر پی پی پی ضلع راولپنڈی چوہدری ظہیرسلطان، سابق ایم پی اے شفقت عباسی،رہنما پاکستان پیپلز پارٹی آصف شفیق ستی،عبدالجبارستی، آصف ربانی قریشی،ثناء الحق ستی سمیت دیگر مقررین نے خطاب کرتے ہوئے شوکت علی عباسی کی بھرپور حمایت کایقین دلایا۔اس موقع پر کارکنوں نے وزیراعظم بلاول اور جئے بھٹو کے فلک شگاف نعرے لگائے۔