Textile exports decline for fifth consecutive month

پاکستان ادارہ شماریات (پی بی ایس) کی جانب سے جاری اعداد و شمار میں بتایا گیا کہ جنوری میں ٹیکسٹائل اور کپڑے کی برآمدات 14.83 فیصد کمی کے بعد ایک ارب 32 کروڑ ڈالر ریکارڈ کی گئیں جو گزشتہ برس اسی مہینے میں ایک ارب 55 کروڑ ڈالر تھیں۔ اس کمی سے ظاہر ہوتا ہے کہ حکومت کو رواں مالی سال میں برآمدات کے اہداف حاصل کرنے میں مشکلات کا سامنا ہے، جس کے سبب زرمبادلہ کے ذخائر پر مزید دباؤ آسکتا ہے۔ روپے کی قدر میں بڑی گراوٹ کے باوجود ٹیکسٹائل برآمدات میں تنزلی کی متعدد وجوہات میں توانائی کی بُلند لاگت، پھنسے ہوئے ریفنڈز اور عالمی سطح پر طلب میں کمی ہے۔