Discover pakistan

پاکستان میں سیاحت کے لیے شمالی علاقہ جات کے علاوہ آپ کے پاس ایک طرف بلوچستان میں کوسٹل ہائی وے کے ساتھ ساتھ ساحلِ مکران، اورماڑہ، پسنی اور گوادر کے قابل دید ساحلی شہر ہیں تو دوسری طرف سندھ میں کراچی کا شہرِ نگاراں اور عروس البلاد موجود ہے۔ کراچی سے نیشنل ہائی وے پر سندھ کے اندرونی شہروں کی طرف بڑھیں تو سب سے پہلے ٹھٹھہ آتا ہے جہاں مغلوں کی تعمیر کردہ حسین و دلکش شاہجہانی مسجد اور مکلی کا تاریخی قبرستان ہے۔ مزید آگے صحرائے تھر کی رعنائیاں، ننگر پارکر اور کارونجھر کے پہاڑ، وادئ مہران کے لہلہاتے کھیت اور باغات، کینجھر اور منچھر کی وسیع و عریض جھیلیں، حیدرآباد کا پکا قلعہ اور کچا قلعہ، موئن جو دڑو میں دنیا کے قدیم ترین تہذیبی آثار اور دادو کا تاریخی قلعہ رنی کوٹ ہیں