Saudi Arabia's Goat Increase The Price

سعودی عرب میں بکروں کی قیمت میں اچانک اضافہ مکہ مکرمہ کی بکرا منڈی میں مختلف قسم کے بکروں کی قیمت میں اچانک اضافہ ہو گیا ہے۔ سبق ویب سائٹ کے مطابق صارفین نے اس بات کے خدشے کا اظہار کیا ہے کہ رمضان المبارک کے دوران بکروں کی قیمتوں میں مزید اضافہ ہو گا۔ المعیصم بکرا منڈی میں حری اور سواکنی بکروں کی قیمت آسمان سے باتیں کر رہی ہیں جبکہ خریدار پریشان ہیں۔ مارکیٹ کا جائزہ لینے پر معلوم ہوا کہ حری بکرے کی قیمت 1700 ریال سے کم نہیں جبکہ جسامت کے حساب سے اس سے بھی زیادہ بن جاتی ہے۔ چھوٹے بکروں کی قیمت معلوم کی گئی تو اندازہ ہوا کہ 1100 ریال سے کم میں کوئی بکرا نہیں۔ مقامی تاجروں نے قیمتوں میں اضافہ کی وجہ رسد کی کمی اور طلب میں اضافہ بتایا ہے۔