خواتین میں انٹرنیٹ کے ذریعے ای کامرس سیکھ کرروزگار کما نے کا رجحان بڑھنے لگا

کرروزگار کما نے کا رجحان بڑھنے لگا بڑھتے ہوئے معاشی مسائل کے حل کے لئے رحیم یارخان کی خواتین نے انٹر نیٹ کو ذریعہ آمدن بنا لیا ،رحیم یار خان کی رہائشی 23 سالہ روحما خاور اپنے گھر کے7 افراد کی واحد کفیل ہیں جنہوں نے معاشی حالات کو بہتر کرنے کے لیے ای کامرس کو اپنایا،روحما خاور کا کہنا ہے کہ ایف ایس سی کے امتحان کے بعد گھر یلو معاشی حالات بہتر نہ ہونے کی وجہ سے تعلیم کا سلسلہ جاری نہیں‌ رکھ سکی، اسی دوران ای کامرس کی طرف آئیں اور کاروبار کے لیے مشہور آن لائن پلیٹ فارمز پر بطور ورچوئل اسسٹنٹ کام کرنے کی چار ماہ کی تربیت حاصل کی، آج میں 5سو سے 8 سو ڈالر ماہانہ تک کما رہی ہوں اور گھر والوں کو سپورٹ بھی کررہی ہوں