Participation of Saudi Arabia's first women's tennis team in international competitions

سعودی عرب نے اپنی پہلی خواتین کھلاڑیوں پر مشتمل ٹیم ٹینس کے بین الاقوامی مقابلوں میں شرکت کیلئے روانہ کردی۔ 4 کھلاڑیوں پر مشتمل سعودی عرب کی خواتین ٹینس ٹیم سری لنکا کے شہر کولمبو میں ہونے والے بلی جین کنگ کپ جونیئر کے کوالیفائنگ ایونٹ میں شرکت کرے گی۔ اس حوالے سے بات چیت کرتے ہوئے سعودی عرب کی خواتین ٹینس ٹیم کی کپتان اریج فرح کا کہنا تھا بین الاقوامی مقابلوں میں شرکت کرنا سعودی عرب کی خواتین کیلئے ایک انتہائی اہم موقع ہے، ہمیں اپنے ملک کی نمائندگی کرتے ہوئے انتہائی فخر محسوس ہو رہا ہے، ہم اپنی بھرپور کارکردگی دکھانے کی کوشش کریں گے۔