ہر پریشانی کا حل استغفار ہے ❤ لہذا جتنا ممکن ہوسکے استغفار کی کثرت کریں۔
السلام علیکم ! اس ویڈیو میں استغفار کے بارے میں بتایا گیا ہے کہ ایک ڈاکٹر صاحب کہتے ہیں ہسپتال کے پانچ ڈاکٹروں نے ان کے خلاف سازش کرکے انکو نوکری سے نکلوادیا۔ تب انھوں نےاستغفار کا کثرت سے ورد کیا اور چند ہی دنوں میں نوکری بحال ھوگئی اور حسد کرنے والوں کا ایسا برا حشر ہوا کہ ﷲ تعالی کی پناہ۔ ایک خوش نصیب جوڑا مگر اولاد سے محروم تھا . دنیا کے بہت سے ملکوں میں علاج کروایا مگر اولاد نہیں ہوئی۔ پھر قرآن کریم کی وہ آیات سنیں جن میں بیان کیا گیا کہ استغفار کرو ﷲ تعالی تمہیں خوب مال و اولاد عطاء فرمائے گا . سب علاج چھوڑ کر استغفار کا ورد شروع کیا . ماشاء ﷲ اب ان کے تین بیٹے اور چار بیٹیاں ہیں ایسے قصے اور واقعات تو بہت ہیں ۔ مگر ان کا مقصد یہ ہے کہ ان قصوں اور واقعات سے عمل کی ہدایت ملتی ہے ۔ یہاں تک کہ ان قصے اور واقعات میں کوئی ہرج بھی نہیں۔ کیونکہ استغفار پر بے شمار نعمتوں کا وعدہ خود ﷲ تعالی نے فرمایا ہے ۔ اور ﷲ تعالی وعدہ خلافی نہیں کرتا۔ قرآن پاک کی سورہ ھود آیت نمبر ۳ میں ارشاد باری تعالی ہے :
ترجمہ :اور ﷲ تعالی کا حکم یہ ھے کے تم اپنے رب سے استغفار کرو یعنی مغفرت اور معافی مانگو پھر اسی کی طرف رجوع کرو وہ تم کو ایک مقرر وقت یعنی موت تک دنیا میں خوش عیشی دیگا ۔ اور ہر زیادہ عمل کرنے والے کو زیادہ ثواب دے گا ۔ یعنی اصل اجر اور نعمتیں تو آخرت کی ہیں ۔ مگر دنیا میں بھی سکون ، چین، راحت اور طرح طرح کی نعمتیں عطاء فرمانے کا وعدہ ہے ۔ دوسری جگہ ارشاد باری تعالی ہے ۔ ترجمہ : میں نے کہا کہ اپنے رب سے استغفار کرو یعنی معافی مانگو وہ بڑا معاف کرنے والا ہے وہ تم پر آسمان سے موسلادھار بارش برسائے گا اور مال اور بیٹوں سے تمھاری مدد کرے گا ۔ اور تمہیں باغات عطاء فرمائے گا ۔ اور تمھارے لئے نہریں جاری فرمائے گا ۔
(سورہ نوح : ۱۰ تا ۱۲ )
لہذا جتنا ممکن ہوسکے استغفار کی کثرت کریں اور اپنی پریشانیوں سے نجات حاصل کریں۔ ﷲ ہم سب کو عمل کرنے کی توفیق عطا فرمائے ۔ آمین
