پاکستان تحریک انصاف کی جیل بھرو تحریک

راولپنڈی: پاکستان تحریک انصاف کی جیل بھرو تحریک: پارٹی کے رہنماوں اور کارکنوں کی رضاکارانہ گرفتاریاں،جیل بھروتحریک میں شرکت اور گرفتاریوں کیلئے کہوٹہ سے پاکستان تحریک انصاف کے صدر راجہ وحیراحمدخان کی قیادت میں درجنوں کارکن قائد کی کال پر لبیک کہتے ہوئے کمیٹی چوک راولپنڈی پہنچے،اس موقع پر چیرمین آر ڈی اے طارق محمود مرتضی،راجہ وحیداحمدخان اور دیگر نے میڈیا سے گفتگو کرتے ہوئے کہا کہ ہم آج قائد کی کال پر لبیک کہتے ہوئے نکلے ہیں اور انشااللہ اس امپورٹڈ حکومت کا ڈٹ کر مقابلہ کریں گئے،ہمارا صرف ایک ہی مطالبہ کے کہ الیکشن کمیشن آف پاکستان فوری طور پر ملک میں نئے انتخابات کرانے کا اعلان کرے۔ راولپنڈی کے کمیٹی چوک میں تحریک انصاف کے رہنماوں اور کارکنان کی گرفتاریوں کا سلسلہ جاری ہے۔پی ٹی آئی کے ہزاروں کارکن گرفتاری دینے کیلئے کمیٹی چوک میں موجود تھے،اس موقع پر زلفی بخاری،صداقت علی عباسی،میجرلطاسب ستی، فیاض الحسن چوہان، اور اعجاز جازی نے گرفتاری دی جنہیں پولیس وین میں اڈیالہ جیل منتقل کردیا گیا۔