لتونسي للتونسي رحمة...

???? التونسي للتونسي رحمة... وفعلا مازال الخير في الدنيا... اهالي حي حشاد بوعرڨوب من ولاية نابل يبادرون بتقديم افطار لمسافرين كانوا على متن قطار (صفاقس - تونس) وتعطل بهم في موعد الافطار. وهذا مادونته إحدى المسافرات "اريج بن سعيد" على صفحتها الفيسبوك أمس : "بالرسمي يعجز اللسان عن التعبير ليوم مع الخمسة و نص متاع العشية train يطيح panne في بوعرقوب تحديدا في حي حشاد و بلاصة فارغة و احنا الاذان باش يأذن و حتى حد فينا ما معاه حتى شربة ماء ، و راعنا الا انو أهالي القرية لي قدامنا جايين و جابين معاهم ستايك الماء و الياغورت و التمر و حتى مالقهاوي جابولنا ، العمدة جاء و وبقا معانا و حتى النساء جاو يحبو يهزونا نشقو فطرنا بحذاهم، الي تراو فيهم فالتصاور ولا واحد فيهم كان يعرف لاخر ، ملي خرجنا من صفاقس ولا واحد كلم لاخر كل حد شاد كرسيه و ساكت ، بعد لكلنا ولينا صحاب و كلنا قسمنا الغصرة مع بعضنا ، بالرسمي باش تشوف الي التونسي للتونسي رحمة و الي شبابنا مش خايب و كي طيح بينا ما نلقاو كان بعضنا ، تحية لأهالي بو عرقوب حي حشاد "