Family looted in Millat Park Lahore, Pakistan | CCTV

لاہور میں ڈاکو راج برقرار، وارداتوں کا سلسلہ تھم نہ سکا ۔۔۔ ملت پارک کے علاقہ میں شہری شفیق اہلخانہ کے ہمراہ ڈاکوؤں کے ہتھے چڑھ گیا ۔۔۔ واردات کی سی سی ٹی وی منظر عام پر آ گئی ۔۔۔ واردات 5 مئی کی رات ساڑھے 11 بجے غالب کالونی ندیم شہید روڈ پر ہوئی ۔۔۔ سی سی ٹی وی میں شادی کی تقریب سے واپس آنے والا کار سوار خاندان نظر آتا ہے، جنہیں تعاقب کرتے موٹر سائیکل سوار 2 ملزمان گن پوائنٹ پر روک لیتے ہیں ۔۔۔ ملزمان گلی میں کھڑی گاڑی کے دونوں اطراف سے لوٹ مار کرتے دکھائی دیتے ہیں ۔۔۔ اسی دوران سامنے سے آنے والے کیری ڈبہ سوار شہری کو راستہ مانگنا بھی مہنگا پڑ گیا ۔۔۔ ڈپر مارنے پر ایک ڈاکو کیری ڈبہ میں سوار شہری سے بھی لوٹ مار کرتا ہے ۔۔۔ چند منٹ کی واردات کے دوران ملزمان 2 تولے سونا، ایک لاکھ 10 ہزار روپے نقدی اور موبائل فون لے اڑے ۔۔۔ دوسری جانب ملت پارک پولیس نے متاثرہ شہری کی درخواست پر مقدمہ درج کر لیا ۔۔۔ پولیس کا کہنا ہے کہ سی سی ٹی وی اور جائے وقوعہ سے ملنے والے دیگر شواہد کی مدد سے ملزموں کی تلاش کی جا رہی ہے ۔۔۔